入伙前清潔清單：呢啲位唔清好易後悔

收樓入伙開心之餘，記住裝修塵唔係普通清潔搞得掂。廚櫃內部、窗軌、抽氣扇……呢張清單幫你執漏。

點解入伙前一定要深層清潔？

裝修後嘅單位睇落乾淨，其實充滿裝修微塵——呢啲粉塵好幼細，會匿喺櫃入面、窗軌、燈罩同冷氣機內部，普通抹一次係清唔走嘅。裝修塵含有石屎粉、木糠同化學物質，吸入對呼吸道有害。

傢俬電器未搬入之前係深層清潔嘅黃金時機，全屋無遮無擋，每個角落都清得到。

最容易忽略嘅位置

廚櫃同衣櫃內部：裝修粉塵最鍾意積喺櫃入面，唔清乾淨擺入去嘅衫同餐具都會鋪塵。

窗軌同窗框：積滿英泥碎同粉塵，要用刷同吸塵機逐條軌清。

抽氣扇同冷氣機：裝修期間吸入大量粉塵，唔清會不斷吹塵出嚟。

燈罩、假天花同櫃頂：企喺地下睇唔到，但一開風扇就全屋塵。

去水位同排水管：裝修廢料容易造成淤塞，入伙前檢查同清理一次最穩陣。

自己清定搵專業團隊？

裝修後清潔工作量大，仲要專用工具同藥水先清得徹底。專業入伙清潔會由天花清到地板，包括全屋抹塵、玻璃窗、廚房浴室消毒除垢，等你拎住行李就可以安心入住。

建議喺傢俬送到之前預約，清潔完再入傢俬，效果最理想。